Кол салгандар Кыргызстандын жарандарынын маалыматтарын унааларды бажыдан өткөрүү үчүн колдонушкан – УКМК
Кыргызстандын Улуттук коопсуздук боюнча мамлекеттик комитети бажылык тариздөө үчүн жарандардын жеке маалыматтарын колдонгон жана документтерди жасалмалаган деп шектелгендерди кармады. Кармалгандардын бири чет элдиктерге ЕАЭБ өлкөлөрүнө автоунаа экспорттоо үчүн паспорт берип жүргөнү аныкталган. Бул ишке тиешеси барлардын бардыгын аныктоо үчүн кошумча иликтөө иштери жүрүп жатат.