Бишкекте Жаратылыш ресурстар министрлиги уюштурган Химиялык, биологиялык, радиациялык жана ядролук коопсуздук боюнча улуттук иш-аракеттер планын иштеп чыгуу боюнча семинар өттү. Катышуучулар, анын ичинде Евробиримдиктин эксперттери, тобокелдиктерди азайтуу жана ведомстволор ортосундагы координацияны жакшыртуу боюнча чараларды талкуулашты.
Динара Кемелова жетектеген кыргыз делегациясы Колумбияда өтүп жаткан биологиялык ар түрдүүлүк боюнча тараптардын 16-конференциясына активдүү катышып, тоо экосистемаларын коргоо, климаттын өзгөрүүсүнө ыңгайлашуу жана жаратылышты коргоо боюнча эл аралык демилгелерди талкуулоодо. Кыргызстан биологиялык ар түрдүүлүктү коргоо боюнча тажрыйбасы менен бөлүшүп, экологиялык долбоорлорго ресурстарды тартууну, анын ичинде трасттык фондду түзүүнү пландаштырууда.
20-октябрда Бишкекте “Манас” эл аралык аэропортунун жанында Азия токой кызматташтык уюму жана Tway Air авиакомпаниясы тарабынан уюштурулган көчөт отургузуу акциясы өттү. Иш-чаранын алкагында экологияны жакшыртууга жана климаттын өзгөрүшүнө каршы күрөшүүгө жардам берген карагай, арча, карагай сыяктуу 1000 түп бак-дарак отургузулду. Акция жаратылышты коргоого жана токой ресурстарын туруктуу өнүктүрүүгө багытталган “Жашыл Мурас” улуттук кампаниясын колдойт.
Бишкекте желим буюмдарды колдонууну чектөө жана биологиялык жактан ажыроочу таңгактарга өтүү боюнча тегерек стол өттү. Пластмасса жүгүртүүнү кыскартуу жана кайра иштетүү тармагын колдоо чаралары талкууланды. Коргоочу аймактарда желим баштыктарды колдонууга тыюу салган мыйзам 2024-жылы күчүнө кирет. Катышуучулар экологиялык жактан таза таңгактарга суроо-талапты стимулдаштыруу жана өндүрүүчүлөр үчүн мамлекеттик преференцияларды киргизүү боюнча кадамдарды макулдашышты.
Бишкекте Борбор Азиядагы адаптацияны пландаштыруу жана каржылоо боюнча конференция өтүп, анда климаттын өзгөрүү коркунучтары талкууланууда. Жаратылыш ресурстары министри М.Машиев алдыдагы COP29га чейин натыйжалуу стратегияларды иштеп чыгуу жана адаптация пландарын ишке ашыруу боюнча региондун өлкөлөрүнүн биргелешкен иш-аракеттеринин зарылдыгына басым жасайт. Конференциянын катышуучулары климаттык чакырыктарга каршы күрөшүү боюнча конкреттүү чараларды иштеп чыгууга жана эл аралык аренада Борбордук Азиянын бирдиктүү пикирин калыптандырууга умтулушат.
20-22-сентябрь, Бишкек “Органикалык Экспо – 2024” форуму. Бул форум органикалык айыл чарба, экология таза азыктар жана климаттын өзгөрүшүбоюнча маселелерди талкуулоо үчүн арналган. Эксперт, мамлекеттик органдар жана донорлор биргелешип, органикалык айыл чарба тармагын онуктуруу боюнча стратегияларды иштеп чыгуу. Форум жаны технологияларды, тажрыйбаларды жана оноктөштүктү түзүүгө мүмүкүнчүлүк алат. Регистрация 10 кундон кийин жабылат.
