Бишкектеги Орто-Сай базарында көрктөндүрүү иштери башталат: стихиялуу соода түйүндөр жоюлат, уруксаты жок курулуштар демонтаждалат, ошондой эле аянтты асфальттоо, унаа токтотуучу жайларды түзүү пландалууда. Базар ээлерине коопсуздук нормаларын сактоо зарылдыгы эскертилди.
Акылбек Жапаров Нарын облусуна болгон жумушчу сапарынын алкагында социалдык жана инфраструктуралык долбоорлордун ишке ашырылышы, анын ичинде музей менен күмбөздү реконструкциялоо, ошондой эле жаңы логистикалык борбордун курулушу менен таанышты. Бул демилгелер дыйкандар үчүн инфраструктураны жакшыртууга жана жаңы жумуш орундарын түзүүгө багытталган.
Бишкекте үйлөнүү үлпөт сарайынын айланасын жашылдандыруу иштери аяктады: жарыктандыруу модернизацияланды, гүлзарлар жана фонтан жаңыртылды, отургучтар менен жашыл аянтча жана автоматтык сугаруу системасы түзүлдү. Иш июль айында башталып, демөөрчүлөр тарабынан каржыланган.
Бишкектин Ахунбаев жана Курчатов көчөлөрүнүн кесилишинде аянты 4173 м² болгон жаңы коомдук объект ачылды. Шаардыктардын активдүү эс алуусу үчүн ыңгайлуу шарттарды түзүүчү эс алуу зоналары, балдар аянтчалары, воркаут аянтчалары жана шахмат столдору бар.
