Кыргыз Республикасынын делегациясы Дохада өткөн Ислам Кызматташтык Уюмунун саммитине катышып, президент Садыр Жапаровдун атынан Жээнбек Кулубаев чыгып сүйлөдү. Ал Катарга болгон чабуулдарды айыптап, Кыргызстан Палестинанын өз алдынчалыкка болгон укугун колдой турганын баса белгиледи.
Кыргыз Республикасынын Тышкы иштер министри Жээнбек Кулубаев Дохада өтө турган ОИСтин өзгөчө саммитинин алдында чакырылган ОИС ТИМдеринин кеңешинин чукул сессиясына катышты. Жыйында Катардагы акыркы окуялар жана Газадагы абал талкууланды. Тараптар Жакынкы Чыгыштагы жаңжалды токтотуу жана туруктуу тынчтыкка жетишүү боюнча биргелешкен кадамдарды талкуулашты.
Кыргызстандын Азербайжандагы элчиси Максат Мамытканов Грузияга да элчи болуп дайындалды, резиденциясы Бакуда болот.
Кыргыз Республикасынын Президенти Садыр Жапаровдун Указы менен Авазбек Койлубаевич Атаханов Пакистандагы Кыргызстандын Атайын жана Ыйгарым укуктуу Элчиси кызматынан бошотулду. Ал бул кызматты 2024-жылдын сентябрынан бери аркалап келген.
