“Кыргызфармация” мамлекеттик ишканасы 2024-жылы дары-дармектерди түз сатып алуунун, жетишсиздикти жоюунун жана бааны төмөндөтүүнүн эсебинен 500 миллион сом үнөмдөгөн. Реформа дары-дармектердин 556 түрүн сатып алууга мүмкүнчүлүк түзүп, калктын жана медициналык мекемелердин жашоо үчүн зарыл болгон каражаттардын жеткиликтүүлүгүн жакшыртууга мүмкүндүк берди. Түзүлгөн мамлекеттик дарыканалар калктын жакыр катмарына колдоо көрсөтүү менен дарыларды 20% арзан сунуштап жатышат.
Бишкекте Кыргызстан менен Азербайжандын саламаттыкты сактоо министрлеринин жолугушуусу өтүп, анда медицина тармагындагы кызматташуу, анын ичинде тажрыйба алмашуу жана кадрларды даярдоо маселелери талкууланды. Министрлер адистердин квалификациясын жогорулатуунун жана саламаттыкты сактоонун сапатын жогорулатуу боюнча медициналык мекемелердин биргелешкен ишинин маанисине токтолушту.
Бишкекте 19-мамлекеттик “Эл Аман” дарыканасы ачылып, анда 2500дөн ашык дары-дармектердин түрү сунушталууда. Дары-дармектердин баасы жеке дарыкана түйүндөрүнө салыштырмалуу 10-20% арзан, ал эми жеңилдетилген рецепттерде арзандатуу 100%га жетет. Дарыканалардын ачылышы калктын дары-дармек менен камсыз болушун жакшыртууга багытталган.
Мамлекеттик архитектура, курулуш жана турак-жай-коммуналдык кызматтар агенттиги Улуттук онкология жана гематология борборунун аймагы боюнча радиофармацевтикалык дарыкананы, молекулярдык визуализация борборун жана радионуклиддик терапия борборун курууну пландап жатат. Бул долбоор "Росатом" мамлекеттик корпорациясы менен биргелешип иштеп чыгууда. Жаны технологиялар жана пландоо чечимдери республикада биринчи жолу колдонулмакчы.
