Жогорку Кеңештин комитети “Элдик курултай жөнүндө” мыйзам долбоорун биринчи окууда талкуулады.
Бишкекте “Элдик курултай жөнүндө” мыйзамга өзгөртүү киргизүү боюнча конституциялык мыйзам долбоору жактырылды. Демилгечи Элдик Курултай болуп, өзгөртүүлөрдүн максаты делегаттардын укуктарын жана милдеттерин тактоо, карама-каршылыктарды жоюу жана укуктук нормаларды сактоо болуп саналат. Депутаттар Министрлер Кабинетинин сунуштарына токтолуп, делегаттарды шайлоо мөөнөтүн жана алардын ыйгарым укуктарын талкуулашты.