Башкы прокуратура мыйзамсыз жолдун айынан мөңгүнүн бузулушу боюнча иликтөө баштады.
Башкы прокуратура Ош токой чарбасындагы көмүр кенине баруучу жолдун мыйзамсыз курулушуна байланыштуу айлана-чөйрөнү коргоо боюнча мыйзам бузууларды аныктады. «К» мамлекеттик ишканасынын жана «С» ЖЧК жеке ишканасынын кызмат адамдары уруксаат кагаздары жок иш алып барышып, мөңгүлөрдү жана жер кыртышын бузууга алып келген. Кызмат абалынан кыянаттык менен пайдалануу жана экологиялык нормаларды бузуу фактылары боюнча кылмыш иши козголду. Мамлекетке келтирилген зыян тергөөнүн жүрүшүндө аныкталат.