Кыргызстанда зыяндуу чегиртке менен күрөшүү үчүн мониторинг жана химиялык иштетүү иш-чаралары улантылууда. Ош, Жалал-Абад, Баткен, Чүй, Талас жана Нарын облустарында жайгашкан очоктордо 60 адис жана заманбап техникалар колдонулуп, 42,966 га аянт текшерилип, 30,260 га химиялык иштетилди. Иш-чаралар августка чейин уланат.
Баткен облусунда быйыл 13 ири өндүрүш ишканасы ишке киргизилет. Алардын катарында мини-ГЭС, автогазоблок заводу, нефть иштетүүчү завод, таш майдалоочу жана бетон заводу, логистикалык борборлор жана башка ишканалар бар.
Бишкек шаарында таштандыларды кайра иштетүүчү завод 2025-жылдын декабрында аяктайт. Завод күнүнө 1000 тонна таштанды иштеп чыгып, 30 МВт•ч энергия өндүрөт. Бул долбоор борбордун экологиясын жакшыртат.
Бишкекте жашыл өсүмдүктөрдү зыянкечтерден коргоо үчүн химиялык иштетүү иштери башталды. Иш-чаралар түнкүсүн жүргүзүлүп, коопсуз препараттар колдонулат. Жарандарыбыздан сактык чараларын көрүү суралат.
Кыргызстан менен Казакстандын өкүлдөрү чегара аймактарында зыяндуу чегирткелерге каршы күрөшүү үчүн биргелешкен аракеттерди координациялоо боюнча видеоконференция өткөрүштү. Тараптар чегирткелердин жайылышына каршы чараларды улантууну макулдашты.
Кыргызстан өнөр жай секторун кеңейтүүгө багыт алып, туруктуу экономикалык өсүшкө умтулууда. Экономика министри Бакыт Сыдыковдун айтымында, өнөр жай 2025-2026-жылдары орточо 7% өсөт, алтынды кошпогондо 10% өсөт. Кумтөр, Жерүй жана башка стратегиялык кендер негизги колдоочу ишканалар болуп саналат. Алтын өндүрүшү 2025-жылы 20 тонна жетет деп күтүлүүдө. Текстиль, тамак-аш жана курулуш материалдары тармактары да олуттуу өсүшкө багытталган. Электрондук коммерция жана кластердик ыкмалардын өнүгүшү өзгөчө мааниге ээ болот.
Ош шаарында таштандыларды сорттоо үчүн стационардык аянтчалар орнотулууда. "Ош-Тазалык" демилгеси менен Курманжан Датка жана Манас-Ата аймактарында жаңы пункттар ачылды. Жарандарга таштандыларды сорттоо эрежелерин сактоо чакырыгы жасалды.
Шанхайда алтындын баасынын өсүшүнө байланыштуу биринчи алтын кайра иштетүү банкоматы ачылды. Kinghood Group компаниясы башкарган бул банкомат алтын буюмдарды кабыл алып, кайра иштетет жана кардарлардын банк эсебине акча которот.
Бакыт Торобаев Талас облусундагы иш сапары учурунда бир катар маанилүү объекттердин ачылышына катышты. Шумкар-Уя айылында айыл өкмөткө жаңы имарат ачылып, Кенеш айылында 75 орундуу бала бакчанын курулушуна капсула салынды. Чоң-Алышта мал союучу жай, ал эми Көк-Кашатта жүн иштетүүчү ишкана ишке кирди.
Бакыт Торобаев Талас облусунун Көк-Кашат айылындагы жаңы жүн иштетүү цехинин ачылыш аземине катышты. Бул ишкана күнүнө 10 тонна жүн иштетип, жаңы жумуш орундарын түзүүгө шарт түзөт.
