«Биримдик 24» 24 саат бою унааларды каттоо бөлүмү жумасына 2 миңден ашык арыздарды кабыл алат»
2024-жылдын 14-октябрынан 20-октябрына чейин Бишкек шаарындагы “Биримдик 24” бөлүмү жарандардын транспорт каражаттарын жана айдоочулук күбөлүктөрүн каттоо боюнча 2251 кайрылуусун карап, республика боюнча сутка бою иштеген биринчи мамлекеттик орган болуп калды. Бөлүм каттоо, документтерди калыбына келтирүү жана мамлекеттик номур берүү сыяктуу кызматтардын толук спектрин сунуштап, жергиликтүү тургундарды гана эмес, башка аймактардан келген жарандарды да тейлейт.