Мамлекеттик бажы кызматында Түркия менен бажы кызматташтыгы маселелери талкууланды
Бишкекте Кыргызстандын Мамлекеттик бажы кызматынын төрагасы менен Түркиянын соода министринин орун басарынын жолугушуусу болуп, анда бажы жол-жоболорун жөнөкөйлөтүү, маалымат алмашуу жана соода-экономикалык байланыштарды чыңдоо маселелери талкууланды. 2024-жылдын 5-ноябрында өткөн саммитте кол коюлган кинолог кадрларды даярдоо боюнча кызматташуу жөнүндө Протоколду ишке ашырууга өзгөчө көңүл бурулду. Тараптар мындан аркы конструктивдүү диалогго даяр экендиктерин билдиришти.