Бишкек, 27.10.25./Кабар/. Жалал-Абад облусунун Сузак районундагы калкты тейлөө борборунун башкы адиси П.Б.М. кызмат абалынан пайдаланып, жарандардан акча талап кылганы үчүн кармалды. Ал 21 000 сомду электрондук капчык аркылуу кайтарып жатканда колго түшүрүлдү. Учурда башка окшош фактыларды жана бул кылмышка тиешеси бар башка кызмат адамдарын аныктоо иштери жүрүүдө.
Январьдан майга чейин «Сосновка» жана «Кара-Куль» транспорттук көзөмөл пункттарында 100 млн 992 миң 765 сом чогултулду. Бул өткөн жылга салыштырмалуу 46,3% көп. Бардык төлөмдөр QR-коддор, терминалдар же мобилдик тиркемелер аркылуу жүргүзүлөт. Бул демилге кызмат көрсөтүүнүн сапатын жогорулатуу жана коррупцияны жоюу үчүн киргизилген.
Чүй облусунун тургуну милиция кызматкерине пара берүү факты боюнча кармалды. Анын иш-аракеттери мыйзамга ылайык бааланып, тергөө иштери жүргүзүлүүдө.
Бишкек шаарында жаңы автоматташтырылган система ишке киргизилип, 300дөн ашуун адам кыймылсыз мүлк келишимин салык карызы тууралуу маалымкатсыз эле каттай алышты. Бул система мамлекеттик органдардын ортосундагы маалымат алмашууну жөнөкөйлөтүп, мүлктү кайра каттоону жеңилдетет. Салык карызы бар-жогун Salyk.kg тиркемеси же сайт аркылуу текшерип, онлайн төлөөгө болот. Электрондук акча колдонбогондор үчүн банктар аркылуу салттуу төлөм ыкмалары дагы жеткиликтүү.
Ош шаарында адам уурдоого жана акча талап кылууга шектелгендер кармалды. Бейтааныш адамдар жаранды уурдап, эки күн кармап, 190 миң сом талап кылышкан. Тергөө иштери жүрүп жатат.
Кыргызстандын Улуттук банкы жарандарга расмий катка жамынып крипто капчыктардан акча алууну сунуштап жаткан шылуундар тууралуу эскертет. Көзөмөл орган жеке адамдарга кызмат кылбасын эскертип, мындай сунуштарга ишенбөөгө чакырат. Алдамчылык фактылары катталган учурда дароо карталарды жаап, укук коргоо органдарына кайрылуу сунушталат.
