Кытайда EHang Holdings компаниясынын VT35 учкучсуз такси ишке киргизилди. Бул эки орундуу аппарат автономдук башкаруу системалары жана электр кыймылдаткычы менен жабдылган, шаардык шарттарда 160 кмге чейин коопсуз учууга мүмкүнчүлүк берет.
Бишкекте 14-июнда салттуу Night Run түнкү чуркоо өтөт. 25 өлкөдөн 3 миңдей чуркоочу катышат. Жарыш Жайыл Баатыр көчөсү боюнча өтөт. Дистанциялар 5 км жана 10 км.
Ош шаарынын мэри Женишбек Токторбаев Кен-Сай аймагындагы таза суу менен камсыздоо долбоорунун ишке ашырылышы менен таанышып, тургундар менен жолугушту. Долбоор июнь айынын аягына чейин аяктап, тургундар толук таза суу менен камсыздалат.
Бишкекте 24-май күнү "Газпром-балдарга" комплексинде One Run эл аралык жарым марафону саат 7:00дө башталат. 1000ден ашуун спортчу жана ден соолукту сүйүүчүлөр катышат. Балдар үчүн 1 км аралыкта жарыш уюштурулат. Иш-чаранын максаты - спортту жайылтуу жана сергек жашоого үгүттөө.
Транспорт министри Абсаттар Сыргабаев Ош облусундагы автожолдорду куруу иштерин текшерип, Узген-Мырза–Аке-Кара-Кулжа жолуна 34 км асфальт төшөө пландалууда. Жумуштар графикке ылайык жүрүүдө.
5-майда Ысык-Көлдө дүйнөнүн ар кайсы өлкөлөрүнөн келген спортчулар 6 күн бою күнүнө 90 чакырымга чейин чуркап, Ысык-Көлдү айланып өтө турган «Ультра Иссык-Көл» супер марафону башталат.
