Токмок шаарындагы эки мектепке 1600 окуучуга ылайыкталган эки окуу корпусу курулат. Бул үчүн республикалык бюджеттен 440 млн сом бөлүнөт. Курулуш иштери 2026-жылы башталып, шаардагы билим берүү шарттарын жакшыртат.
КРнын курулуш министри Нурдан Орунтаев АГУПКРде реконструкция жана капиталдык ремонт иштерин карап чыгып, сапаттуу жана өз убагында бүтүрүү боюнча пикир алмашты.
Ош облусунун Өзгөн районундагы Жылалды айылында 275 орундуу жаңы мектеп курулууда. Эки кабаттуу имаратта спорт залы, лаборатория, китепкана жана актовый зал болот. Курулуш 2022-жылы башталган, жыл аягына чейин бүткөрүү пландалууда.
Сузак районундагы Арзыкулов атындагы №52 жаңы мектептин курулушу аяктап калды. 375 орундуу мектепте китепкана, лаборатория, актовый зал жана компьютердик класс бар.
Сокулук районундагы Новопавловка айылында Ч. Айтматов атындагы лицейдин жаңы корпусу курулду. 500 орундуу корпус заманбап класстарды, лабораторияларды, китепкана жана медициналык кабинетти камтыйт.
