Кыргызстандын жогорку окуу жайларында студенттердин коррупциянын зыяны жана анын алдын алуу ыкмалары тууралуу түшүнүктөрүн өнүктүрүүгө багытталган коррупцияга каршы семинарлар башталды. Жаратылыш ресурстары министрлиги коррупция менен күрөшүүнүн маанилүүлүгүн жаштар арасында түшүндүрүү жана коомдо мыйзамдуулукту бекемдөө максатында өз тажрыйбасы жана сунуштары менен бөлүшөт.
Жогорку Кеңештин депутаттары менен Жүк ташуучулар ассоциациясынын өкүлдөрү эл аралык жүк ташуу боюнча отчеттуулук боюнча токтомдон улам келип чыккан көйгөйлөрдү талкуулашты. Негизги көңүл жогорку айыппулдарга жана ишкерлерге түзүлгөн шарттарга бурулду. Транспорт министринин орун басары коррупция менен күрөшүү үчүн отчеттуулук зарыл экенин белгиледи. Мындан ары депутаттар жана министрлик менен маселелерди талкуулоо боюнча келишим түзүлдү.
Бишкекте “Учкун” ААКтын басмаканасына жана ИИМдин Патрулдук милиция башкармалыгынын инспекторлоруна байланышкан коррупциялык схеманын бети ачылды. Басмакананын кызматкерлери административдик укук бузуулар боюнча протоколдорду кайталап түзүшүп, түпнускаларын алмаштырып, мамлекетке зыян келтиришкен. Басмакананын эки кызматкери кармалып, схеманын бардык катышуучуларын аныктоо боюнча иликтөө иштери уланууда.
Кыргызстандын Улуттук коопсуздук боюнча мамлекеттик комитети коррупцияга каршы чараларды катаалдаштырууга багытталган мыйзам долбоорун сунуштоодо. Документте коррупцияга күнөөлүү деп табылган адамдарга мамлекеттик кызматта иштөөгө тыюу салуу жана жаза катары айып пулду алып салуу камтылган. Өзгөртүүлөрдүн негизги максаты кызмат адамдарынын жоопкерчилигин жогорулатуу жана коррупциялык укук бузуулардын алдын алуу, мамлекеттик органдардагы абалды жакшыртуу жана жарандардын бийликке болгон ишенимин бекемдөө болуп саналат.
Кыргызстан колония-поселениелерди жоюу мъмкънчълъгъ талкуулоодо. Министр Аяз Баетовдун билдируусуне ылайык, электрондук браслеттер менен пробация системалары колония-поселение лардын функцияларын кайталап жатат. Юрист жана укук коргоочулар бул идеяны ар кандай көз караштар менен карап жатат, бирок реформалардын зарылдыгын баса белгилешет.
