Ат-Башин районунда Карибек уулу Акматаалы атындагы мектепке 150 орундуу кошумча корпус курулууда. Долбоордун баасы 63 млн сом, каржылоо республикалык бюджеттен. 1025 кв. метрлик эки кабаттуу имарат заманбап талаптарга жооп берет. Мектептин аймагында ачык спорт аянтчасы да курулат.
Ош облусунун Алай районундагы Сары-Могол айылында жаңы бала бакча курулууда. Республикалык бюджеттен каржыланган долбоордун баасы 86 млн сомду түзөт. 140 орундуу бакчанын аянты 1398 чарчы метрди түзүп, жыл аягына чейин колдонууга берилет.
Жалал-Абад шаарында заманбап жаңы №1 поликлиниканын курулушу аяктап баратат. 2022-жылы башталган долбоордун тендердик баасы 156 млн сомду түзгөн, ал эми объекттин 87% даяр. Поликлиника 2025-жылдын аягына чейин пайдаланууга берилет.
Ош облусунун Алай районундагы Сары-Могол айылында 140 орундуу «Гүлбурак» бала бакчасы курулууда. Жалпы аянты 1398 чарчы метрди түзөт жана жыл аягына чейин пайдаланууга берилет.
Беш-Бала айылында 375 окуучуга ылайыкталган Арзыкулов атындагы №52 заманбап мектептин курулушу аяктады. Жалпы аянты 1734 чарчы метрди түзгөн мектепте эки кабаттуу окуу корпусу, өткөөл галерея жана спорт залы бар.
Нарын облусунун Ат-Башы районундагы Большевик айылында 120 орундуу жаңы эки кабаттуу бала бакчанын курулушу башталды. Долбоор республикалык бюджеттен каржыланып, тендердик баасы 114 млн сомду түзөт.
Баткен шаарында Кыргызстандын Юстиция министрлигинин жаңы административдик имараты курулууда. Имараттын аянты 536 чарчы метрди түзүп, курулуштун даярдыгы 70% га жетти.
Жаңы «Кок-Арт» жогорку чыңалуудагы подстанциясы Сузак районунун Таран-Базар айылында ачылды. Ал Кытай-Кыргызстан-Өзбекстан темир жолунун курулушун электр энергиясы менен камсыздоо үчүн курулган.
Ысык-Көл облусунун Жыргалан айылында 35/10 кВ подстанциясынын курулушу жүрүп жатат. Учурда электр жабдууларынын пайдубалы даярдалып, 35 кВ өчүргүч жана КРУН-10 кВ орнотулду. 2500 кВА трансформаторун орнотуу пландалууда. 35 кВ аба линиясы 6 км аралыкта кабель линиясы менен алмаштырылат. 10/6 кВ трансформатору жана 6 кВ аба линиясы да курулат.
Кара-Суу айылында 375 орундуу жаңы мектеп курулду. 1 945 чарчы метрди ээлеген мектепте класстар, лаборатория, ашкана, компьютердик класс жана спорт залы бар. Объектти тапшыруу жаңы окуу жылына пландалууда.
