2024-жылдын 1-ноябрынан 6-ноябрына чейин Кыргызстандын жарандарын чет өлкөдө ишке орноштуруу борборунун делегациясы Анталияда болушту. Миграция, эмгек мигранттарынын укуктары жана эмгек шарттарын жакшыртуу маселелери талкууланды. Тараптар кыргызстандыктарды Түркиянын эмгек рыногуна эффективдүү интеграциялоо боюнча сунуштарды иштеп чыгышты.
Кыргызстандын эмгек министри Жылдыз Полотова Москвада анын жетекчилиги менен Кыргызстанда көп функционалдуу миграциялык борбордун филиалын ачуу маселесин талкуулады. Бул жарандардын Орусияга кирүү алдында керектүү процедуралардан өтүшүнө шарт түзүп, чет өлкөдө легалдаштырылган ишке орношууга шарт түзөт. Полотова ошондой эле жарандардын кайрылууларын кабыл алып, жеке көзөмөлүнө алды.
Президент Садыр Жапаров Кылмыш жолу менен алынган кирешелерди легализациялоого (адалдоого) жана терроризмди каржылоого каршы аракеттенүү боюнча Евразиялык топтун макулдашуусуна өзгөртүүлөрдү киргизүү тууралуу протоколду ратификациялоо тууралуу мыйзамды жактырды. Жогорку Кеңеш тарабынан кабыл алынган мыйзам ЕАТ бюджетин түзүүнүн укуктук негиздерин жана булактарын кеңейтет, ал кылмыш жолу менен алынган кирешелерди легализациялоого жана терроризмге каршы аракеттенүү боюнча чараларды күчөтүүгө тийиш. Жарыялангандан он күн өткөндөн кийин күчүнө кирет.
Бишкектеги коммерциялык банк, терроризмди каржылого жан кылмыштуу кирешелерди мыйзамдаштырууга каршы мыйзамдарды бузганы үчүн 61 мин сом олчөмүндо айыпка жыгылды. Бул чаралар Финансылык чалгын кызматы тарабынан кабыл алынды.
