18-октябрдан 20-октябрга чейин Бишкекте АгроТехЭкспо-2024 көргөзмөсү өтүп, фермерлер Айыл Банк менен Элдик Банктын лизинг мүмкүнчүлүктөрү менен тааныша алышат. Иш-чарада дүйнөлүк алдыңкы өндүрүүчүлөрдүн айыл чарба техникаларынын, инновациялык технологиялардын жана айыл чарба продукцияларынын заманбап үлгүлөрү көрсөтүлөт.
Кыргызстанда 2024-жылы дыйкандарга «Айыл Банк» жана «Элдик Банктын» лизингдик программасы аркылуу 3,8 миллиард сомдук 976 айыл чарба техникасы төмөн пайыз менен берилген. Долбоорлор ишке ашырыла баштагандан бери 17,6 миллиард сомго 6892 даана техника чыгарылган.
КР Мамлекеттик өнүктүрүү банкы менен “Элдик банк” кызматташуу келишимине кол коюшуп, анын алкагында 200 млн сом бөлөт. Каражат лизингди каржылоого жана экономикалык өсүшкө, жумуш орундарын түзүүгө жана экологияны жакшыртууга жардам берген жашыл долбоорлорду колдоого жумшалат.
