
Ошто абанын сапатын жакшыртуу боюнча комиссиянын жыйыны өттү.
Бишкек, 04.07.25. /Кабар/. КР экология жана техникалык көзөмөл министри Медер Машиев Ош шаарында абанын сапатын жакшыртуу боюнча комиссиянын жыйынын өткөрдү. Жыйынга президенттин Ош шаарындагы өкүлү Эльчибек Жантаев жана башкалар катышты. Абаны булгоонун себептери, экологиялык абал талкууланып, 2026–2027-жылдарга карата иш-чаралар планы даярдалды. Комиссия мүчөлөрү сунуштарды киргизип, мамлекеттик органдарга айлана-чөйрөнү коргоо жана абанын сапатын жакшыртуу боюнча тапшырмалар берилди. Министр Ош облусундагы өкүлчүлүктү жана таштандыларды кайра иштетүүчү цехти кыдырды.