Бишкек, 09.10.25. Кыргызстандын Финансы министрлиги жана Сауд өнүктүрүү фонду 50 млн долларлык мектеп куруу долбоору боюнча келишимге кол коюшту. Долбоор жарандарды сапаттуу билим менен камсыздоого багытталган. Бишкек жана Чүйдө заманбап мектептер курулат. Тараптар кызматташууну кеңейтүүгө даяр экендигин билдиришти.
Бишкек шаарында Ленин районунун мектеп жетекчилери жана ата-энелер менен жолугушуу өтүп, өспүрүмдөр арасындагы укук бузуулардын алдын алуу жана балдардын коопсуздугун камсыздоо маселелери талкууланды.
Бишкекте мектеп окуучуларынын үчтөн бири гаджеттерди туура эмес колдонгондуктан көз айнек тагынышат. Гаджеттерди ашыкча колдонуу көздүн булчуңдарын чарчатат, рефракцияны бузат жана көз ооруларына алып келет.
Бишкектеги үч мектепте заманбап воркаут аянтчалары ачылды. Бул экологиялык акциянын алкагында ишке ашырылып, мектеп окуучулары ата-энелери менен бирге үч тоннадан ашуун колдонулган батарейкаларды чогултушкан.
Ош облусунун Кара-Суу районундагы Шералы айылында 184 миллион сомго жаңы мектеп курулууда. 225 окуучуга ылайыкталган үч блоктон турган заманбап мектептин аянты 2563 чарчы метрди түзөт.
Ысык-Көл облусунун Ак-Суу районундагы Тегизчил айылында 182 млн сомго жаңы мектеп курулууда. Мектеп 225 окуучуга ылайыкталып, эки кабаттуу окуу корпусу жана спорт залы болот.
Баткен облусунун Сүлүктү шаарында 250 окуучуга ылайыкталган жаңы мектептин курулушу башталды. Долбоорго инвестор – тоо-кен компаниясы колдоо көрсөтүп, жалпы наркы 165 млн сомду түзөт. Курулуш 2026-жылдын биринчи кварталында аяктайт.
ОРВИ жана сасык тумоодон коргонуу үчүн алдын алуу чараларын так сактоо маанилүү. Оору белгилери пайда болсо, дароо медициналык жардамга кайрылуу керек.
Остин шаарында (Техас штаты) Alpha мектеби ачылды, ал жерде билим берүү толугу менен жасалма интеллект технологияларына негизделген. Окуу акысы жылына $40 000 турат.
Мектеп окуучуларына милдеттүү медициналык камсыздандыруу системасы аркылуу акысыз медициналык кызматтар жеткиликтүү. 6 жаштан 18 жашка чейинки балдар мамлекет тарабынан камсыздандырылып, үй-бүлөлүк дарыгерлерден кеңеш алуу, эмдөө, медициналык жардам жана анализдерди акысыз алышат. Дары-дармектерге 90% чейин арзандатуулар берилет. Госпитализация үчүн ата-энелер орточо деңгээлдеги төлөмдөрдү төлөшөт. Баланын бардык кызматтарды алуусу үчүн үй-бүлөлүк дарыгерге катталуу зарыл.
