Ташиев Жалал-Абад шаарындагы инновациялык лицейдин абалын текшерди
Кыргыз Республикасынын Министрлер Кабинетинин Төрагасынын орун басары Камчыбек Ташиев Жалал-Абад шаарындагы No14 инновациялык мектеп-лицейинде болуп, окуучулардын көптүгү жана керектүү жайлардын жетишсиздиги боюнча көйгөйлөрдү аныктады. Бул маселелерди чечүүнү тапшырып, УКМКга кайтарылган жер тилкеге жаңы 4 кабаттуу имарат, спорт зал жана балдар аянтчасы курулуп жатканын билдирди. Иш жакында башталып, келерки жылдын аягына чейин бүткөрүлөт.