Жогорку Кеңештин депутаты Азизбек Турсунбаев ТүркПАнын эл аралык байкоочулар тобунун курамында Өзбекстандагы шайлоону текшерди. Байкоочулар шайлоонун улуттук мыйзамдарга жана эл аралык стандарттарга шайкеш келгендигин белгилешти.
Жогорку Кеңештин депутаттары Талайбек Масабиров менен Сейдбек Атамбаев Өзбекстанда биринчи жолу аралаш система колдонулган шайлоого эл аралык мониторингге катышты. Байкоочулар шайлоо комиссияларынын жогорку деңгээлдеги даярдыгын жана жарандардын талапкерлер тууралуу активдүү маалымдуулугун белгилешти.
Депутат Талайбек Масабиров 2024-жылдын 27-октябрында өтө турган Өзбекстандын Олий Мажлисинин мыйзам чыгаруу палатасына шайлоого КМШ ПААнын эл аралык байкоочулар тобунун координатору болуп дайындалды. Топтун курамына КМШ ПААга мүчө-өлкөлөрдүн парламенттеринин өкүлдөрү жана демократияга мониторинг жүргүзүүчү эксперттер кирди.
Өзбекстандын Борбордук шайлоо комиссиясы депутаттыкка 29 350 талапкердин арасында 141 этникалык кыргызды каттады. 27-октябрда өтө турган шайлоодо бардык улуттар жана майыптар үчүн бирдей мүмкүнчүлүк түзүлөт. Талапкерлер беш саясий партиядан көрсөтүлгөн.
