Депутат эпос “Манас” мыйзамына өзгөртүүлөрдү киргизүүнү сунуштады
Депутат Мирлан Самыйкожо "Манас" эпосуна байланыштуу мыйзамга өзгөртүүлөрдү киргизүүнү сунуштады. Жогорку Кеңештин сайтында коомдук талкууга коюлган долбоорго ылайык, мамлекет кыргыз элинин арасында "Манас" эпосунун трилогиясын терең изилдөө үчүн шарттарды түзөт. Бул өзгөртүүлөр манасчынын чыгармачылыгын өнүктүрүү, илимий-изилдөө ишмердүүлүгүн уюштуруу, билим берүү мекемелеринде "Манас" трилогиясын окутуу жана анын тексттерин сактоо боюнча бир катар чараларды камтыйт.