Бишкекте 11-ноябрдан тарта Ош базары менен убактылуу автобекетти байланыштырган жаңы No19 муниципалдык автобус каттамы ишке кирди. Автобус Ош, Баткен, Жалал-Абад жана Таласка каттамдарга ыңгайлуу жол ачат.
Бишкекте соода жайлары, спорт залдар, мечит жана медициналык борборлор жайгашкан 59 гектар аянтка жаңы Ош базарынын курулушу башталды. Долбоорго муздаткыч борборлору жана 12 гектар жерге унаа токтотуучу жайлары бар 9 имарат кирет. Ишти “Ордо курулуш” ишканасы жүргүзүүдө жана ишке киргизүү 2025-жылдын октябрына пландалууда.
Бишкекте Монополияга каршы жөнгө салуу кызматынын кызматкерлери эттин дүң баасына мониторинг жүргүзүп, уй эти 470 сомдон 540 сомго чейин, козу этинин 510 сомдон 530 сомго чейин баасын аныкташкан. Сатуучуларга баалардын негизсиз көтөрүлүшүнө жол берилбестиги жана монополияга каршы мыйзамдарды сактоонун маанилүүлүгү түшүндүрүлдү.
