Жалал-Абад облусунда авто уурдоого шектелген адам кармалды. Бишкекте 24-сентябрда таңкы саат 5те Тойота Альфард уурдалган. Шектүү Ош-Бишкек жолунда кармалып, учурда тергөө иштери жүрүп жатат.
2025-жылдын башынан бери Жалал-Абад облусунда 43 адам жол кырсыгынан каза болду. 215 жол кырсыгы катталып, бул 2024-жылга салыштырмалуу үч учурга аз. Президенттин өкүлү Тилек Текебаев жол коопсуздугун камсыздоо жана жол кырсыктарын алдын алуу боюнча конкреттүү тапшырмаларды берди. Ал жол белгилерин орнотууну жана жаңылоону күчөтүү, Ош-Бишкек трассасында коопсуздукту камсыздоону баса белгиледи. Узун аралыкка жүргөн айдоочулар үчүн токтоо жана эс алуу жерлерин уюштурууну сунуштады.
Туристтик сезон учурунда жол эрежелерин бузган айдоочуларды аныктоо үчүн дрондор колдонулат. Өткөн жылдагы сыноо учурунда жарым саатта 30га жакын эреже бузуу катталган.
Бишкекте Ош-Бишкек жолунун боюнда өз алдынча курулган объектилер демонтаждалды. Шаар куруу башкармалыгы жергиликтүү бийлик менен биргеликте бул ишти демилгелеп, келечекте шаар куруу стандарттарына туура келбеген башка объектилерди да жоюу пландалып жатканын баса белгиледи.
