Мектеп жана эмдөөлөр – алардын ортосундагы байланыш кандай?
Республикалык иммунопрофилактика борборунун адистери мектепке даярдык менен эмдөө ортосундагы байланыш тууралуу айтып беришти. Мектепке биринчи жолу бара турган балдар психологиялык жана физикалык жүктөмдү сезишет. Алар үйдөн тааныш эмес микробиологиялык чөйрөгө киришет, бул болсо алардын ден соолугуна таасир этет. Эмдөө аркылуу балдарды инфекциядан коргоо маанилүү, анткени 6-7 жаштагы балдар инфекцияларга жогорку сезгичтикке ээ. Портфель даярдап, жаңы форма сатып алуу менен эле чектелбестен, баланын организминин коргоосун камсыздоо керек.
