Токмокто 24-октябрда жоголгон 16 жаштагы Даткайым Токтобекова изделүүдө. Ал жоголгондон кийин туугандары полицияга кайрылышкан. Белгилери: бою 165-170 см, чачы кара, көздөрү кыш кара. Ал кара шым, ак куртка кийип жүргөн. Жарандар кыздын жүргөн жери тууралуу маалымат берүүнү суранышат.
Бишкекте “Бойкот” плакаттары менен соода борборунда баш аламандык уюштурган тополоңчулар кармалды. Тергөө органдары кылмыш ишин козгоп, тергөө иштери уланууда.
Бишкекте Жаш Гвардия бульвары менен Чүй проспектисинин кесилишинде мектеп окуучуларынын ортосунда мушташ чыкты. Жашы жете элек алты бала милицияга жеткирилип, алардын ата-энелери профилактикалык сүйлөшүүгө чакырылган.
Токмокто аялын системалуу түрдө сабаган жаранга кылмыш иши козголду. Жараат менен ооруканага кайрылган жабырлануучу милицияга арыз жазган. Укук коргоо органдары иликтөө иштерин баштады.
Ала-Букин РИИБде милиция кызматкерлери тарабынан сабалган жаран Э.С.га карата кыйноо фактысы аныкталды. КР Кыйноолорду алдын алуу боюнча улуттук борбор тарабынан медициналык экспертиза жүргүзүлүп, материалдар прокуратурага өткөрүлүп берилди.
Бишкекте чет элдик айдоочу Хонда унаасы менен жөө жүргүнчүлөр өтүүчү жерден 15 жаштагы кызды сүзүп, андан соң качып кеткен. Жабырлануучу алган жаракатынан улам ооруканада каза болгон. Айдоочуга кылмыш иши козголуп, ал кармалып, убактылуу кармоочу жайга киргизилди. Учурда тергөө иштери уланууда.
Бишкекте жаранды мыйзамсыз кармап, кыйноого алган ГОМ-5 РИИБдин ыкчам кызматкерлери кармалды. Соттук-медициналык экспертиза жабырлануучунун денесинен жаракат бар экенин тастыктаган. Окуяга тиешеси бар башкаларды аныктоо боюнча иликтөө иштери жүрүп жатат.
Өмүр бою кесиптештеринин урмат-сыйына ээ болуп, көптөгөн сыйлыктар менен сыйланган милициянын полковниги Исмайыл Сагыналиев каза болду. Ал кызматын 2003-жылы баштап, 2022-жылы Кыргызстандын Ички иштер министрлигинин Орусиядагы өкүлү болгон.
Бишкекте жүк ташуучу унаа менен скутердин катышуусунда жол кырсыгы катталып, анын кесепетинен скутер айдаган 17 жаштагы жигит каза болду. Автосамосвалдын айдоочусу бурулуп бара жатып мотоциклченди байкаган эмес. Учурда тергөө иштери башталды.
Бишкек 7-август болгон тоноо боюнча шектуу кармалды. Алар Т.Н.нын 13 жашагы уулун коркутуп, iPhone 12 Pro Max телефон номери 5000 сом алган. Шектүүлөрдүн үчөө, алардын арасынан мурда соттолгону да бар, милиция бөлүмү жеткирилген. Тонолгон телефон кайрап, шектуулврдун башка кылмыштарга катышы текшерилуудо.
