Орусиянын Кыргызстандагы элчиси мигранттарды чек арадагы текшерүүлөр узакка созулганда сабырдуу болууга чакырды
Орусиянын Кыргызстандагы элчиси Сергей Вакунов мигранттарды чек аралардагы узакка созулган текшерүүлөргө түшүнүү менен мамиле кылууга чакырып, муну терроризмдин тынымсыз коркунучу алдында коопсуздукту камсыздоо зарылчылыгы менен түшүндүрдү. Ал кыргызстандык мигранттарга бир жактуу мамиле жок экенин белгилеп, түшүндүрүү иштерин жүргүзүү менен абал жакшырарына ишеним билдирди.