Бишкекте Борбор Азиядагы адаптацияны пландаштыруу жана климатты каржылоого арналган аймактык конференция өттү. Катышуучулар аймактагы өлкөлөрдүн ортосундагы кызматташтыктын негизги маселелерин, улуттук адаптациялоо пландарын иштеп чыгууну жана климаттык чакырыктарга эффективдүү жооп берүү үчүн финансылык ресурстардын зарылдыгын талкуулашты. Конференция БУУнун Климаттын өзгөрүшү боюнча алкактык конвенциясынын Тараптарынын 29-конференциясында сүйлөшүүлөрдүн алдында бирдиктүү позицияны калыптандыруу үчүн маанилүү аянтча болуп калды.
Жалал-Абад облусунда оорукчандыгы тууралуу маалымкаттарды берүү жана майыптык алууну тездетүү үчүн системалуу түрдө акча талап кылган деп шектелип, жалпы дарыгерлик практика борборунун бөлүм башчысы кармалды. Пара алуу фактысы боюнча кылмыш иши козголгон.
Жогорку Кеңештин жыйынында депутаттар бир катар социалдык-экономикалык көйгөйлөрдү, анын ичинде бала бакчаларды куруу, жол инфраструктурасын жакшыртуу, билим берүү мекемелерин колдоо маселелерин талкуулашты. Ошондой эле пенсия маселеси, аймактык ооруканалардын абалы жана жергиликтүү заводдорго байланышкан экологиялык көйгөйлөр талкууланды.
Белгилүү телеалпаруучу Жанна Бадоева “Башкалардын жашоосу” программасынын Бишкекке арналган жаңы санын тартуулады. Анда жергиликтүү тургундардын билими, ден соолугу, эс алуусу жана шаардын келечегине болгон кыялдары талкууланат. Эпизод анын Youtube каналында жеткиликтүү.
Кыргызстандын саламаттыкты сактоо министри Алымкадыр Бейшеналиев россиялык кесиптештери менен саламаттыкты сактоо тармагындагы кызматташууну талкуулоо үчүн Москвага барды. Негизги көңүл дары-дармек менен камсыздоо, акушердик, гинекология жана трансплантология маселелерине бурулду. Иш сапардын маанилүү бөлүгү болуп Кыргызстанда трансплантология программаларын жакшыртууга көмөктөшүүчү Шумаков атындагы трансплантология борборунда кыргызстандык дарыгерлерди окутуу боюнча макулдашуу болду.
2025-жылдын январынан тарта Москва облусунда чет элдиктерге саламаттыкты сактоо, билим берүү, спорт жана алкоголдук ичимдиктерди сатуу тармагында патент менен иштөөгө тыюу салынат. Бул чечим кызмат көрсөтүүлөрдүн сапатын жогорулатууга жана чыр-чатактарды минималдаштырууга багытталган, ошондой эле бош орундарды жергиликтүү тургундар жана ЕАЭБ жарандары менен толтурууну камтыйт.
Бишкекте Акылбек Жапаровдун жетекчилиги алдында жумушчу жыйын өтүп, анда жылытуу мезгилине экономикалык даярдык, ТЭЦти көмүр менен камсыздоо, ошондой эле билим берүү, саламаттыкты сактоо тармагындагы маанилүү жагдайлар талкууланды. Адистештирилген структураларга көрсөтмөлөр берилди.
КР Саламаттыкты сактоо министри Алымкадыр Бейшеналиев “Reatsentr Bishkek” балдардын неврологиялык реабилитациялык борборунда болуп, уюштуруучулуктун жана кесипкөйлүктүн жогорку деңгээлин белгиледи. Борбордо реабилитациялоонун инновациялык ыкмалары, анын ичинде Microcurrent Reflexology колдонулат. Реабилитациялык кызматты өнүктүрүү пландары 2024-жылдын 27-сентябрында боло турган Физиотерапевттердин жана реабилитологдордун эл аралык форумунда да талкууланды. Министр өзгөчө муктаждыгы бар балдардын жашоо сапатын жакшыртуунун маанилүүлүгүн белгиледи.
Кыргызстандын президенти Садыр Жапаров эки тараптуу мамилелерди өнүктүрүүгө кошкон салымын белгилеп, Бишкек мамлекеттик кыргыз-түрк достугу ооруканасына Режеп Тайып Эрдогандын ысымын ыйгарды. Оорукана, коммерциялык эмес мекеме, жогорку технологиялык медициналык кызматтарды көрсөтөт жана ар кандай бөлүмдөрдү камтыйт, ошондой эле илимий иш менен алектенет.
Бишкек Миң-Куштогу радиация менен байланышкан авария боюнча жыйын өттү. Министр Машиев Жана депутат Самыйкожо жергиликтуу элдин коопсуздугуна байланыштыруу маселеси талкууланды. Авариядан киин жургузулган иштер, радиациялык фон жана компаниянын мыйзам бузуулары тууралу маалыматтар берилди. Жыйындын жыйынтыгы боюнча бардык тараптар копсуздукту камсыз кылуу учун тыгыз кызматташууга чакырылды.
