2024-жылдын 1-октябрынан тарта Кыргызстанда бензин жана дизель майын милдеттүү маркировкалоо киргизилип, буга чейин 4,9 миң тонна күйүүчү майга маркировка жасалып, 219 миллион сом акциздик салык түшкөн. Молекулярдык маркерлерди колдонгон система мыйзамсыз жүгүртүүгө каршы күрөшүүгө жана күйүүчү майдын сапатын жакшыртууга багытталган. 2025-жылдан баштап маркасы жок күйүүчү майга тыюу салынат.
Кыргызстанда койдун жүнүнөн жасалган органикалык жер семирткичтин айыл чарба өсүмдүктөрүнүн түшүмдүүлүгүнө жана сапатына тийгизген таасирин баалоого багытталган тестирлөө башталды. Айыл чарба министерствосу Монголияга 13200 тонна жунду кайра иштетууге жиберип, андан 11276 килограмм гранулдуу жер семирткич даярдалды. Сыноо методдорун иштеп чыгуу, анын ичинде кыртыштын шарттарын жана өсүмдүктөрдүн өсүшүн талдоо боюнча иштер жүрүп жатат. Эксперименттин натыйжалары бул жер семирткичти колдонуунун максатка ылайыктуулугу женунде илимий жактан негизделген корутунду чыгарууга жардам берет.
