Токмокто жаңыланган парк ишке берилди
Токмок шаарында депутат Медербек Саккараевдин демилгеси менен жаңыланган Жаманкул Саккараев атындагы сейил бактын ачылышы болду. Жогорку Кеңештин төрагасы Нурланбек Шакиев шаарлардын инфраструктурасын өнүктүрүүнүн маанилүүлүгүн белгилеп, Кыргызстандын бардык аймагында ушундай объектилерди түзүүгө чакырды. Ал сейил бак үлгүлүү эс алуучу жайга айланышы керектигин белгилеп, ошондой эле өлкөнүн өнүгүшүнө жарандардын активдүү катышуусуна ишеним артарын билдирди.
