Кыргызстан 2030-жылга чейин “Эл дөөлөтү-Эмгек” улуттук программасын бекитүүгө ниеттенүүдө.
Кыргызстандын Эмгек министрлиги жумушсуздукту кыскартууга жана калкты иш менен камсыз кылуу системасын өнүктүрүүгө багытталган 2030-жылга чейин “Эл дөөлөтү-Эмгек” улуттук программасын даярдоодо. Программада жаңы жумуш орундарын түзүү, калктын аялуу катмарын колдоо, кесиптик билим берүүнү модернизациялоо жана эмгек шарттарын жакшыртуу каралган. Максаты – бардык жарандар үчүн натыйжалуу иш менен камсыз кылуу жана татыктуу эмгек шарттарын түзүү.