Шымкент шаарында өткөн Азия чемпионатында Кыргызстандын курама командасы мыкты көрсөткүчтөргө жетишти. Анвар Ибраимов менен Кайыргүл Кубанычбекова пистолет менен, Абдураззак Муратов менен Жибек Бекташова винтовка менен коло медаль утушту.
Кыргызстандык жарандар Израилден кооптуу аймактан ийгиликтүү эвакуацияланды. Транзиттик маршрутту уюштурууда Египет жана Казакстандын дипломатиялык өкүлчүлүктөрү чоң жардам көрсөтүштү.
Талас облусунда суунун тартыштыгынан улам жергиликтүү тургун фасоль талаасын сугаруу үчүн жамгырлатуу системасын орнотту. Бул метод суу ресурстарын натыйжалуу пайдаланууга жана 60 сотых аянтты сугарууга мүмкүндүк берет.
Алматы шаарындагы Кыргыз Республикасынын Башкы консулдугунун колдоосу менен Ош шаарынын мэриясы менен Шымкент шаарынын акиматынын ортосунда кызматташуу боюнча Жол картасынын кол коюу аземи болуп өттү. Бул документ экономикалык, маданий жана билим берүү тармагындагы байланыштарды кеңейтүү, шаардык башкаруунун санариптештирүү жаатындагы тажрыйба алмашуу, инфраструктураны өнүктүрүү жана муниципалдык кызмат көрсөтүүлөрдүн сапатын жогорулатуу боюнча негизги багыттарды аныктайт.
Шымкент шаарында Кыргыз Республикасынын ардактуу консулунун кеңсеси ачылып, бул кадам Казакстан менен Кыргызстандын достук жана ишкердик байланышын чыңдоого, аймактык кызматташтыкты өнүктүрүүгө багытталган.
Бишкек шаарында өткөн Открытые Дельфийские игрынин алкагында «Хореографическое искусство» номинациясында жеңүүчүлөр сыйланды. Угуусу начар балдардын бийлери көрүүчүлөрдүн купулуна толуп, жеңүүчүлөр катары Бишкектин Kids stars тобу алтын медаль алды.
Шымкентте КРдин башкы консулу Ж. Асанкулов кыргыз диаспорасы менен жолугуп, социалдык-экономикалык саясатты, жумуш орундарын түзүү чараларын жана чет өлкөдөгү кыргызстандыктардын укуктарын коргоо маселесин талкуулады. 116 консулдук кызмат көрсөтүлдү.
Кыргызстандык режиссер Шамил Дыйканбаев “Бетме-бет” спектакли үчүн Чымкентте өткөн Борбор Азия театрларынын тогузунчу эл аралык фестивалында “мыкты режиссер” наамына ээ болду.
Шотокан каратэ боюнча Кыргызстандын курама командасы Шымкентте өткөн “MURAKAMI CUP” эл аралык турниринде ийгиликтүү чыгып, 16 медаль, анын ичинде 8 алтын жеңип алышты. 30 спортчу катышып, ар кандай категориялар боюнча мыкты жыйынтыктарды көрсөтүштү.
28-августта Алматы шаарында Кыргызстан Республикасынын башкы консулу Женишбек Асанкулов менен Казакстандын тышкы иштер министрлигинин өкүлү Жанибек Абдрашовдун жолугушуусу болуп өттү. Асанкуловго экзекватура тапшырылып, тараптар эки өлкөнүн ортосундагы соода-экономикалык жана маданий-гуманитардык кызматташтыкты өнүктүрүүгө даярдыгын билдиришти.
