Кыргызстан менен Түркиянын саламаттыкты сактоо министрлери медициналык кызматташуунун негизги багыттарын талкуулашты
Бишкекте Кыргызстан менен Түркиянын саламаттыкты сактоо министрлеринин жолугушуусу өтүп, анда медицина тармагындагы кызматташуунун келечеги, адистерди даярдоо жана фармацевтиканы өнүктүрүү маселелери талкууланды. Анда кыргыз жарандарынын Түркияда дарылануусуна квота жана оорукананы биргелешип башкаруу сыяктуу негизги маселелер талкууланды. Министрлер органдарды трансплантациялоо жана башка медициналык тармактарда кызматташууну тереңдетүү ниетин билдиришти.