Президент Садыр Жапаров катышкан «Борбордук Азия – Кытай» экинчи саммити Астанада өттү. Жапаров Кытай менен стратегиялык өнөктөштүктү тереңдетүү үчүн алты негизги багытты белгиледи. Саммиттин жыйынтыгында көп тараптуу документтерге кол коюлду.
Вашингтондо Кыргызстандын АКШдагы элчиси Айбек Молдогазиев АКШнын президенти Дональд Трамп менен жолугуп, эки өлкө ортосундагы кызматташтыкты өнүктүрүүгө даярдыгын билдирди.
Кытай менен Борбор Азиянын узак мөөнөттүү өнөктөштүгү жаңы деңгээлге көтөрүлүүдө. Астанадагы саммит аймактык кызматташтыкты бекемдөөгө жана жалпы кызыкчылыктарды илгерилетүүгө багытталган.
Астанада өткөн саясий консультацияларда Кыргызстан менен Казакстандын кызматташтыгынын ар кыл аспектилери талкууланып, президент Касым-Жомарт Токаевдин Кыргызстанга расмий сапарына даярдык көрүү боюнча Жол картасына кол коюлду.
Кыргызстан делегациясы Кытайда өткөн ШОСтун илим жана технология министрликтеринин жетекчилеринин 9-жыйынына катышты. Жыйындын алкагында ШОС өлкөлөрүнүн илимий-техникалык саясаты боюнча тажрыйба алмашуу жана жасалма интеллектти өнүктүрүү боюнча кызматташтык программасынын жол картасы бекитилди.
Бишкекте өткөн эл аралык тегерек стол тынчтыкты бекемдөө, эмгек миграциясын өнүктүрүү жана жаштардын иш менен камсыз болушун колдоого багытталган. Иш-чарага катышуучулар ОТГ өлкөлөрүнүн ортосундагы кызматташууну күчөтүү боюнча сунуштарды иштеп чыгышты.
Президент Садыр Жапаров Швейцариянын элчиси Оливье Бангертерди Кыргызстандагы дипломатиялык миссиясынын аякташы менен кабыл алып, эки өлкө ортосундагы кызматташууну бекемдегендиги үчүн ыраазычылык билдирди.
Ташкенттеги Эл аралык инвестициялык форум Борбор Азиядагы ири инвестициялык аянтча болуп, 100гө жакын өлкөдөн 8 миңден ашуун делегатты чогултту. Форумда энергетика, инфраструктура, айыл чарба жана санариптик технологиялар боюнча ири долбоорлор сунушталды.
Министрлер кабинетинин төрагасы Адылбек Касымалиев 10-июнда Ташкентке иш сапары менен барып, эл аралык инвестициялык форумга катышат, объектилерди зыярат кылат жана эки тараптуу жолугушууларды өткөрөт.
Нью-Делиде Кыргызстандын ТИМ башчысы Жээнбек Кулубаев менен Индиянын финансы министри Нирмала Ситхараман жолугушуп, каржы жана инвестиция тармагындагы кызматташтыкты талкуулашты. Банктар ортосундагы түз байланыштарды жана инвестициялык кызматташууну өнүктүрүү маселелери каралды. 2019-жылы кол коюлган Инвестициялык макулдашуунун ратификациялык грамоталарын алмашуу Протоколуна кол коюлду.
