Ак-Тал айылында 90 орундуу жаңы бала бакчанын курулушу уланып жатат. 2023-жылы башталган долбоор республикалык бюджеттен каржыланып, учурда 76% аяктады. Бала бакча 892 чарчы метрди түзүп, заманбап эки кабаттуу имаратта уктоочу жана оюн бөлмөлөрү, ашкана жана кабылдама каралган. Объектти быйылкы жылдын аягына чейин пайдаланууга берүү пландалган.
Баткен облусунун Баткен районунда Жаны-Жер айылында 500 орундуу мектептин курулушу уланууда. 2023-жылы башталган долбоор республикалык бюджеттен каржыланып, тендердик баасы 164 млн сомду түзөт. Учурда курулуш жана монтаждоо иштеринин 55% аяктады.
Ош облусунун Кара-Суу районундагы Кайрагач айылында 275 орундуу жаңы мектептин курулушу жүрүп жатат. 2015-жылы башталган долбоордун тендердик баасы 105 млн сомду түзөт. Мектеп заманбап стандарттарга ылайык курулуп, бардык зарыл жабдуулар менен камсыздалат.
Сузак районундагы Арзыкулов атындагы №52 жаңы мектептин курулушу аяктап калды. 375 орундуу мектепте китепкана, лаборатория, актовый зал жана компьютердик класс бар.
Бишкекте Военно-Антоновка айылындагы “Ак-Кула” жаңы ипподромунун долбооруна тендер жарыяланды. Жалпы аянты 224,8 гектарды түзүп, көрүүчүлөр үчүн 30 миң орун жана 1200-1500 унаа токтотуучу жай болот. Долбоордо 500 орундуу мейманкана, 1000 орундуу ашкана жана фельдшердик-акушердик пункт да бар. Тендердин суммасы 31 миллион сомду түзүп, арыздар 14-октябрга чейин кабыл алынат.
