Бишкекте Кыргызстан улуттук футбол курама командасынын дүйнө чемпионатынын тандоо оюндарына даярдык көрүү үчүн машыгуу жыйыны башталды. Команда 5-июнда КНДР, 10-июнда ОАЭ менен беттешет.
Кыргызстандын туристтик потенциалы Ашхабадда тааныштырылды. Иш-чара Кыргызстандын Туркменистандагы элчилиги тарабынан уюштурулуп, туркмен саякатчыларына багытталган. Туризмдин бардык сезондук түрлөрү, анын ичинде спорттук жана медициналык туризм тууралуу маалымат берилди. Туркмен туристтик компаниялары Кыргызстан менен кызматташууга кызыкдар экенин билдиришти.
Бишкекте Кара-Кыргыз автономиялык облусунун түзүлгөндүгүнүн 100 жылдыгына арналган “Жылдын мыкты мугалими” жана “Жылдын мыкты агартуучусу” кароо-сынагынын 3-туру өтүүдө. Катышуучулар кесиптик чеберчиликтерин көрсөтүп, санариптик технологияларды колдонушат. Сынак 4-октябрда аяктап, жеңүүчүгө Бишкектен батир берилет. Иш-чаранын негизги максаты билим берүүнүн сапатын жогорулатуу үчүн таланттуу мугалимдерди аныктоо жана колдоо болуп саналат.
