Кыргызстанда “Аялдардын ден соолугунун” республикалык айлыгы башталды
Кыргызстанда 1-октябрдан тарта аялдардын жугуштуу эмес оорулар боюнча маалымдуулугун жогорулатууга багытталган “Аялдардын ден соолугу” айлыгы башталат. Швейцариялык долбоор тарабынан колдоого алынган демилгенин алкагында 18 жаштан жогорку аялдар акысыз текшерүүдөн өтүп, оорулардын, анын ичинде кант диабети жана гипертония оорусунун алдын алуу боюнча кеңеш ала алышат. Иш-чара ооруларды эрте аныктоого багытталган, бул оорунун татаалдануу жана өлүм коркунучун азайтууга жардам берет.