Талас облусунун Манас районунда мыйзамсыз түрдө жеке колго өтүп кеткен автобекеттин 0,28 гектар жер тилкеси мамлекеттин менчигине кайтарылды. Облустук прокуратура мыйзам бузууларды аныктап, жерди кайтарып берүү процессин баштаган, азыр кайрадан Талас райондук мамлекеттик ишканасына тиешелүү.
Жети-Өгүз районунун прокуратурасы тарабынан мамлекеттик жерлерди жеке менчикке мыйзамсыз берүү фактылары аныкталды. Аталган айыл өкмөттүн жооптуу адамдары тарабынан 4,60 гектар жер мыйзамсыз бөлүнүп берилип, натыйжада кызмат абалынан кыянаттык менен пайдалануу фактысы боюнча кылмыш иши козголгон.
Нарын облусунда 12 миллион сомдон ашык акчага май куюучу жайдын жер тилкеси кайтарылды. Улуттук коопсуздук боюнча мамлекеттик комитети ишкер менен сүйлөшүп алып жерди жеке менчикке алып кеткен аткаминерлердин мыйзамсыз аракеттерин ачыктады.
Бишкекте жер тилкелерин жеке менчикке мыйзамсыз өткөрүп берүү фактысы боюнча облустук мамлекеттик администрациясынын башчысынын орун басары жана жергиликтүү өз алдынча башкаруу органдарынын жетекчилери баш болгон жогорку кызматтагы адамдар кармалды. Алар жеке турак жай куруу үчүн 20 жер тилкесин мыйзамсыз бөлүп берүүгө алып келген кызмат абалынан кыянаттык менен пайдаланган деп шектелүүдө. Жер тилкелеринин жалпы аянты 2,84 гектарды түзүп, баасы 95 миллион сомду түзөт. Учурда тергөө иштери уланууда.
