🌍 Региондук транспорттук байланышты өнүктүрүү жана туруктуу өнүгүү маселелери Тегеранда өткөн Экономикалык кызматташтык уюмуна (ОЭС) мүчө мамлекеттердин транспорт жана жол министрлеринин 13-жыйынында талкууланды.
🚛 Жолугушуунун күн тартибине чек араларды кесип өтүү жол-жоболорун жөнөкөйлөтүү, деңиз жана аба транспорту, документтердин санариптештирилиши, экологиялык жана коопсуз жүк ташууларды илгерилетүү кирди.
🚆 Автомобиль жана темир жол коридорлорун өнүктүрүү, ошондой эле региондогу мамлекеттердин ортосундагы транспорттук интеграциянын негизги багыттары каралды.
📜 Жыйындын жыйынтыгында транспорт чөйрөсүндө регионалдык өз ара аракеттенүүнү чыңдоого багытталган Тегеран декларациясы кабыл алынды.
🤝 Экономикалык кызматташтык уюмуна Азербайжан, Афганистан, Иран, Казакстан, Кыргызстан, Пакистан, Тажикстан, Түркмөнстан, Түркия жана Өзбекстан кирет.
