🌍 Пусан шаарында Кытайдын төрагасы Си Цзиньпин менен АКШнын президенти Дональд Трамп жолугушту. Эки өлкө бир катар маанилүү маселелер боюнча мунасага келип, конструктивдүү диалогду улантууну көздөшүүдө.
🤝 Трамп эки өлкөнүн ортосундагы мамилелердин жакшы экенин белгилеп, жолугушуу соода келишимине кол коюу менен аякташы мүмкүн экенин айтты.
🇨🇳 Си Цзиньпин Кытай менен АКШнын өз ара ийгиликке жана гүлдөп-өнүгүүгө жетише аларын, Кытайдын өнүгүүсү Вашингтондун максатына каршы келбей турганын билдирди.
📈 Кытай 8-ноябрдан тартып стратегиялык маанилүү товарларга экспорттук көзөмөл киргизерин жарыялады, ал эми АКШ 1-ноябрдан баштап кытай товарларына 100 пайыздык тарифтерди киргизүүнү пландап жатканын маалымдады. Бирок Вашингтон жаңы тарифтерди киргизүүнү Пусандагы жолугушууда талкуулоо үчүн артка жылдырууга даяр экенин билдирди.
🔗 Эки өлкө ортосундагы соода чыңалуусу жолугушууда талкууланып, мындан ары да кызматташууну бекемдөөгө багытталган кадамдар жасалышы күтүлүүдө.
