🚨 Бишкекте уюшкан кылмыштуу топтун активдүү мүчөсү кармалды.
👮♂️ Кылмыштуу кирешелерди легалдаштыруу боюнча козголгон кылмыш ишинин алкагында кылмыш чөйрөсүндө Рус Коэн же Руслан Бостеринский деген каймана ат менен белгилүү Дүйшеев Руслан Бекбоевич кармалды.
🔍 Ысык-Көл районунун Бостери айылынын тургуну Дүйшеев мурда тергөөдөн жашырынып жүргөн жана уюшкан кылмыштуу топтун лидери К.Асанбектин жакын санаалаштарынын бири. Анын чоң кылмыш тарыхы бар, анын ичинде тоноо жана киши өлтүрүү боюнча соттолгон.
💣 Колдо болгон маалыматтарга караганда, Дүйшеев издөөдө жүргөндө Кыргызстандын УКМК жетекчилигине кол салууну пландаган.
🔒 Ыкчам иш-чаранын натыйжасында ал УКМКнын СИЗОсуна киргизилип, уюшкан кылмыштуу топту түзгөн жана ага катышкан деген айып тагылган.
🔎 Тергөө иштери уланып, укук коргоо органдары тарабынан издөөдө жүргөн К.Асанбектин уюшкан кылмыштуу тобунун башка мүчөлөрүн аныктоо жана кармоо иштери жүрүүдө.
