🇰🇬 Кыргызстандын ар бир бурчунда Улуу Ата Мекендик согуштагы Жеңиштин 80 жылдыгында фронттогу баатырлар гана эмес, тылда эмгектенгендер да урмат-сый менен эскерилет. Ушул жеңүүчүлөр муунунун өкүлдөрүнүн бири Нарын облусунун тыл эмгекчиси Мария Акматалиева.
👩🌾 Мария Акматалиева 1932-жылы 1-майда Тянь-Шань районунун Жаны-Булак айылында төрөлгөн. Анын балалыгы согуштун оор жылдарында өтүп, жаштайынан эле кыйынчылыктарды жана оор эмгекти башынан өткөргөн. Ал 9 жашында эле талаа иштерине катышып, жер айдап, эгин сугарып, солдаттар үчүн мээлей жана байпак токуп иштеген.
📚 Мария мектепти аяктагандан кийин колхоздо эмгектенип, 1968-жылдан тартып Нарын шаарындагы китепканада иштеген. Согуш жылдарындагы жан аябаган эмгеги үчүн “1941–1945-жылдардагы Улуу Ата Мекендик согушта каармандык жана жан аябаган эмгек үчүн” медалы менен сыйланган.
👨👩👧👦 1950-жылы турмушка чыгып, тогуз баланын энеси болгон Мария Акматалиева “Баатыр эне” ардактуу наамына ээ болгон. Ал 1968-жылы пенсияга чыккан.
❤️ Бүгүнкү күндө Мария Акматалиева уулу менен жашап, жакындарынын камкордугуна бөлөнүп келет. Анын жашоосу чыныгы патриотизмдин, туруктуулуктун жана эмгек эрдигинин үлгүсү.
🕊️ Мария Акматалиева сыяктуу адамдардын эсинде калуу — бул Жеңиш жана тынч асман үчүн жалпы ыраазычылык.
