[adrotate_integration id=”2″]🌱 Жайыл районунда жайгашкан “Эко урожай” фермердик чарбасында дүйнөгө белгилүү Heinz кетчупу үчүн колдонулган “Хайнц” сортундагы помидорлор өстүрүлүүдө.
🚜 Помидорлор 270 гектар аянтта заманбап агротехнологиялардын жардамы менен өстүрүлөт. Бул жерде тамчылатып сугаруу системасы орнотулуп, суу үнөмдүү пайдаланылып, түшүмдүүлүк жогорулайт.
🌾 Автоматташтырылган шарттарда өстүрүлгөн көчөттөр жана механизацияланган түшүм жыйноо процесси эмгек чыгымдарын азайтып, продукциянын рынокко тез жетишин камсыз кылат.
🍅 “Хайнц” сортунан тышкары, быйыл “Эко урожай” талааларында “Талант”, “Бленд” жана башка жогорку түшүмдүү европалык гибриддер өстүрүлүп, алар томат пастасын өндүрүү үчүн да колдонулат.
🏭 Жыйналган түшүмдүн бардыгы “Айлана” компаниясына кайра иштетүүгө жөнөтүлөт.
💧 Министр Бакыт Торобаев тамчылатып сугаруу системасы өсүмдүктөрдүн тамырына түздөн-түз суу жеткирүүгө, өсүштү тездетүүгө жана оорулардын коркунучун азайтууга мүмкүндүк берерин белгиледи.
🚀 “Эко урожай” фермердик чарбасы айыл чарбасында алдыңкы ыкмаларды колдонуп, өлкөнүн экспорттук потенциалын жана агроөнөр жай секторун өнүктүрүүгө салым кошууда.
