[adrotate_integration id=”2″]
🎉 Джалал-Абад облусунун Сузак районундагы карылар жана майыптар үчүн социалдык стационарда Эл аралык карылар күнүнө карата иш-чара болуп өттү. Иш-чарага президенттин Джалал-Абад облусундагы ыйгарым укуктуу өкүлүнүн орун басары Урмат Самаев катышып, мекеменин тургундарын майрамы менен куттуктады.
👵 Учурда Джалал-Абад облусунда 100 жаштан ашкан 39 узак өмүр сүргөн адам бар. Алардын эң улуусу 1907-жылы туулган Базар-Коргон районунун Бай-Мундуз айылынын тургуну Бурма Субанкулова, быйыл ал 118 жашка толду.
👴 Урмат Самаев өзүнүн куттуктоо сөзүндө карыларга бекем ден соолук, тынчтык жана узак өмүр каалап, ар бир жаш муундун милдети улууларды урматтоо экенин белгиледи.
🏡 Майрамдын алкагында Урмат Самаев Сузак районунун 103 жаштагы тургуну Кундузхан Ташматованын үйүнө барып, аны Эл аралык карылар күнү менен куттуктады.
💰 Быйыл Джалал-Абад облусундагы президенттин ыйгарым укуктуу өкүлүнүн резервдик фондунан Сузак районундагы карылар жана майыптар үчүн социалдык стационарга 70 миң сом, Токтогул районундагы «Кара-Каш» социалдык стационарына 30 миң сом бөлүнгөн. Ошондой эле, 100 жаштан ашкан 39 карыларга каржылык колдоо көрсөтүлдү.
