🇰🇬 Кара-Балта шаарында Улуу Ата Мекендик согуштагы Жеңиштин 80 жылдыгына арналган “Жеңиш марафону” аттуу чоң патриоттук акция өтөт.
🗓️ Иш-чара 22-апрелде В. Ленин атындагы шаардык Маданият үйүнүн аянтында башталат. Аны “Евразия” автономдуу коммерциялык эмес уюму уюштурууда. Акциянын максаты — Улуу Ата Мекендик согуштун катышуучуларын эскерип, алардын тарыхын келечек муундарга сактап калуу.
📸 Иш-чаранын алкагында аянтта атайын чатырлар орнотулуп, каалоочулар согуш ардагерлери болгон туугандарынын сүрөттөрүн, документтерин жана маалыматтарын тапшыра алышат. Жыйналган бардык материалдар санариптештирилип, эскерүү коллекциясына киргизилет.
👕 Жыйналган материалдар Жеңиш күнүнө арналган тематикалык футболкаларда чагылдырылат. Мындан тышкары, Кара-Балта шаарынын чыгармачыл жамааттарынын катышуусунда салтанаттуу концерттик программа өткөрүлөт.
🕑 Акция саат 14:00дө башталат. Уюштуруучулар бардык тургундарды согуш баатырларынын тирүү эскерүүлөрүн сактоого чакырат. “Жеңишибиздин тарыхын келечек муундарга чогуу өткөрөлү”, — деп кайрылышат.
🌍 “Евразия” уюму эл аралык кызматташтыкты өнүктүрүүгө көмөктөшүүчү автономдуу коммерциялык эмес уюм болуп саналат. Ал салттуу баалуулуктарды сактоо жана улуттар аралык баарлашууну өнүктүрүүгө багытталган гуманитардык долбоорлорду ишке ашырат. “Евразия” социалдык маанилүү демилгелерди колдоп, ар кандай маданияттагы адамдарга баарлашууга мүмкүнчүлүк берет. Уюм билим берүү, медицина, жаштар алмашуусу тармактарында долбоорлорду өнүктүрөт. Алардын арасында билим берүү программалары, алмашуулар, ири мамлекеттик компанияларда стажировкалар, медиамектеп бар. Ошондой эле, “Евразия” долбоору мектеп жана жогорку окуу жайлардын мугалимдери үчүн кесиптик платформаларды жана форумдарды, журналисттер жана блогерлер үчүн гранттарды, тарыхты жана маданиятты сактоо долбоорлорун колдоону камтыйт.
