🚫 Жогорку Кеңештин депутаттары укук коргоо органдарынын кызматкерлерин видеого тартууга тыюу салган мыйзам долбоорун четке какты.
📉 Депутат Сүйүн Өмүрзаков өз сөзүндө соңку кездери тартип сакчыларына баш ийбей, мазактоо, алардын ишине мыйзамсыз кийлигишүү фактылары көбөйүп жатканын белгиледи.
📸 Ал мындай окуяларды чагылдырган видеолорду социалдык тармактарда таратуу кызматкерлердин да, жалпы мамлекеттин да аброюна доо кетирээрин баса белгиледи.
⚖️ Мыйзам долбоорунда милициянын талабына баш ийбеген жана алардын беделин түшүрүү максатында эмне болуп жатканын видеого тартып алган жарандарга айып пул салуу жана камакка алуу каралган.
🗣️ Анткен менен көпчүлүк депутаттар жарандардын укуктарынын чектелиши боюнча тынчсызданууларын билдиришти. Тактап айтканда, депутат Дастан Бекешев видеого тартуу укук коргоо органдарынын кызматкерлеринин өзүм билемдигинен коргоо кызматын аткарарын белгиледи.
🛑 Талкуунун жыйынтыгында мыйзам долбоорун күн тартибинен алып салуу сунушун 39 депутат колдоду.
