🏛️ Жогорку Кеңештин депутаттары күз-кыш мезгилине даярдык жана билим берүү тармагындагы көйгөйлөрдү талкуулашты.
📚 Отурумдун жүрүшүндө депутаттар мектептердин ашыкча жүктөлүшү, бул талаптагыдай социалдык инфраструктурасы жок көп кабаттуу үйлөрдүн жигердүү курулушуна байланыштуу суроолорду көтөрүштү.
💰 Ошондой эле дотацияда турган айыл өкмөттөрүндөгү бала бакчалардын кызматкерлеринин эмгек акысы, билим берүү мекемелеринин жетишсиздиги жана эмгек мигранттарынын балдарын мектепке жайгаштыруудагы кыйынчылыктар талкууланды.
🏫 Депутаттар Ноокат районундагы мектептердин жабылышы жергиликтүү тургундардын нааразычылыгын жаратып жатканын белгилешип, ден соолугунун мүмкүнчүлүгү чектелген балдарга билим берүүгө инклюзивдүү мамиле кылуу зарылдыгын айтышты.
⚠️ Көмүрдүн баасы, Бишкек жана Ош шаарларындагы түтүн менен күрөшүү чаралары тууралуу суроолор да көңүл чордонунда болуп, депутаттар алыскы аймактарга күйүүчү май базаларын ачууну сунушташты.
🔌 Электр энергиясын импорттоо шарттары жана ТЭЦтин кышкы сезонго даярдыгы талкууланып, жоюлуп жаткан “Кыргызжилкоммунсоюз” ишканасынын карыздары боюнча маселелер каралды.
