[adrotate_integration id=”2″]🎓 Бишкекте журналисттер үчүн “Балдардын укуктарын коргоодо ЖМКнын ролу: этика, коопсуздук жана кесипкөйлүк” аттуу тренинг өткөрүлдү. Бул иш-чара Кыргыз Республикасынын Балдар укуктары боюнча ыйгарым укуктуу өкүлүнүн катчылыгы, Кыргыз Республикасынын Президентинин администрациясынын маалымат саясаты кызматы жана ЮНИСЕФтин Кыргызстандагы өкүлчүлүгүнүн колдоосу менен уюштурулду.
📝 2025-2028-жылдарга карата БУУнун Балдар укуктары боюнча комитетинин акыркы сунуштарын аткаруу боюнча иш-чаралар планынын алкагында өткөрүлгөн бул тренинг журналистиканын балдардын укуктарын коргоодогу маанилүү ролун белгиледи.
📋 Программа укуктук, этикалык жана психологиялык куралдарды камтып, редакцияларга практикалык текшерүү тизмелерин, иш-аракеттер алгоритмдерин жана балдар менен иштөөдө конфиденциалдуулукту сактоо боюнча көндүмдөрдү сунуштады.
🔍 Катышуучулар стигматизациялоочу сөздөрдү жана визуалдарды кантип болтурбоо керектигин, фактыларды жана булактарды текшерүүнү, зомбулуктун алдын алуу, инклюзия жана реабилитация боюнча системалык чечимдерди чагылдырууну үйрөнүштү.
📈 Бул тренингдин жыйынтыгы катары журналисттик материалдардын сапаты жогорулап, ЖМКнын балдарга карата зомбулукту жана дискриминацияны алдын алуудагы ролу күчөйт деп күтүлүүдө.
