🔒 Кыргызстанда жеке маалыматтарды коргоо боюнча кайрылуулардын саны кескин көбөйдү.
📈 2024-жылдын башынан бери Жеке маалыматтарды коргоо боюнча мамлекеттик агенттикке жарандардан 160тан ашык кайрылуу келип түшкөн, бул мурунку жылдарга салыштырмалуу бир нече эсеге көп.
👥 Агенттик түзүлгөн 2022-жылы 22 гана кайрылуу катталса, 2023-жылы алардын саны 145ке жеткен.
🌐 Жарандар көбүнчө жеке маалыматтары интернетте же социалдык тармактарда жеткиликтүү болгондо бизге кайрылышат. Маселен, форумдарда жарандар тууралуу маалыматтар жарыяланып, агенттик провайдерлер менен биргеликте бул көйгөйлөрдү ийгиликтүү чечкен учурлар болгон.
🚔 Алдамчылыкка каршы күрөшүүнүн алкагында Мамлекеттик агенттиктин жана Ички иштер министрлигинин кызматкерлеринен жумушчу топ түзүлүп, телефондук алдамчылык фактыларын активдүү иликтеп, мындай окуялардын алдын алуу үчүн Улуттук банк менен өз ара аракеттенет.
👶 Балдардын жеке маалыматтарын коргоого да өзгөчө көңүл бурулуп, бул теманын коомдогу мааниси баса белгиленет.
