🌾 Кыргызстанда кылкандуу дан эгиндерин жыйноо иштери аяктап, былтыркыга салыштырмалуу бир топ өсүштү көрсөттү.
🌱 Тазалоо иштери 492,5 миң га жерде жүргүзүлүп, пландалган аянттын 73,7%ын түздү жана 2023-жылга салыштырмалуу 93,9 миң га көп.
🌾 231,4 миң гектардан (96,2%) буудай жыйналып, дүң жыйым 673,7 миң тоннаны түзүп, былтыркыга салыштырмалуу 238,2 миң тоннага көп жыйналды. Орточо тушум 29,1 центнерге жетти.
🌽 Арпа 226,1 миң га (90,2%) аянттан жыйналып, дүң жыйымы 582,8 миң тоннаны түзүп, өткөн жылга салыштырмалуу 164,5 миң тоннага көп жыйналды. Түшүмдүүлүк гектарына 25,8 центнерди түздү.
🌽 Жүгөрү 18,6 миң гектардан (16,9%) жыйналып, дүң жыйымы 140,2 миң тоннаны түздү, бул 2023-жылга салыштырмалуу 31,4 миң тоннага көп. Түшүмдүүлүк гектарына 75,5 центнерди түздү.
🥔 Картошка 24,8 миң га (37,4%) аянттан казылып, дүң жыйымы 422,7 миң тоннаны түзүп, өткөн жылга салыштырмалуу 52,7 миң тоннага көп жыйналды. Орточо тушум 170,3 центнерге жетти.
🥦 Жашылчалардын жалпы дүң жыйымы 718,0 миң тоннаны түзүп, 2023-жылга салыштырмалуу 50,9 миң тоннага көп.
🌻 Май өсүмдүктөрүн жыйноо да активдүү уланууда, анда дүң жыйым 5,6 миң тоннаны түзүп, былтыркыга салыштырмалуу 800 тоннага көп жыйналды.
